Алматыдағы «Vorwärts» неміс жастар клубында жаңа көшбасшыны сайлау өтті. Қазақстан-Германия университетінің халықаралық қатынастар мамандығы бойынша түлегі Екатерина Аракелян енді клуб жетекшісінің орынбасары қызметін атқаратын Владимир Юстусты аз ғана басымдықпен жеңді.
Екатерина Аракелян клубқа 2019 жылы қосылды және сол уақыттан бері оның қызметіне белсенді түрде қатысады. Оның таңдауы клуб мүшелерінің кең қолдауын және оның көшбасшылық әлеуетін мойындауды көрсетеді. Екатерина сайланғаннан кейін сөйлеген сөзінде клубты одан әрі дамытудың маңыздылығына тоқталып, сенім үшін алғысын білдірді.
Екатерина Аракелян ұйым алдында көптеген қиындықтар мен міндеттер тұрған кезде клубты басқару жауапкершілігін қабылдады. Оның алдындағы Афина Гейнерт Екатеринаның қажетті дағдыларға ие екенін және бұл миссияны сәтті орындайтынын атап өтті: «Мен Катяның клубты дамытудағы қиын жұмысына деген сенімділігі мен табандылығын сезінемін, сонымен қатар мен осы кезеңде жинаған тәжірибем үшін ризамын. Біз белсенділердің бастамашыл тобын құруды аяқтадық және табыстарымызбен міндетті түрде сіздермен бөлісетін боламыз. Осы уақытқа дейін мен өз білімімді жаңа командаға беремін және олармен жаңа жоспарлар мен идеяларды жүзеге асыру үшін жұмыс істеймін».
Жаңа басшыны сайлауда онлайн дауыс беру мүмкіндігі қамтамасыз етілді. Бұл жаңашылдық клуб мүшелерін мүмкіндігінше жұмылдыруға және олардың орналасқан жері мен уақытының шектеулілігіне қарамастан әрбір адамның мүдделері мен қалауларын ескере отырып, әділ дауыс беруді қамтамасыз етуге мүмкіндік берді.
Сайлау неміс жастарының «Vorwärts» клубының 11 жылдығын мерекелеумен тұспа-тұс келді, бұл шараға ерекше символдық және маңыздылық береді. Екатерина Аракелянның жетекшілігімен клуб өзінің табысты дамуын жалғастырады және Алматы қаласында және одан тыс жерлерде неміс мәдени-ағартушылық байланыстарын нығайтуға белсенді үлес қосады деп күтілуде.
Екатерина Аракелян Vorwärts клубының болашағы үшін жауапкершілікті өз мойнына алады және бұрынғы басшылар бастаған істі жалғастыруға дайын.
Есения Граф
Қазақша аудармасын дайындаған: Руслан Мүсіреп.
Все самое актуальное, важное и интересное - в Телеграм-канале «Немцы Казахстана». Будь в курсе событий! https://t.me/daz_asia
